Parc Gwledig Dyffryn Moss

Mae Parc Gwledig Dyffryn Moss wedi'i leoli rhwng Gwersyllt a Brynteg, tair milltir i'r gogledd o Wrecsam. Mae gan y dyffryn siâp V goetir gyda choed derw a ffawydd, yn ogystal â dau lyn bach ac ardaloedd o laswelltir agored. Mae'r dyffryn yn gynefin cyfoethog i fywyd gwyllt ac mae'n arbennig o nodedig am ei adar.

Mae gan Ddyffryn Moss orffennol diwydiannol, ac roedd unwaith yn ardal glofaol fawr. Ym 1973 adenillwyd y tomenni sbwriel, ond ymhlith y coetir tawel a'r dolydd, mae tystiolaeth o'r hen reilffyrdd i'w gweld o hyd.

Mae llwybrau’n rhedeg drwy’r parc, yn aml yn dilyn hen dramffyrdd a llinellau rheilffordd a ddefnyddiwyd ar un adeg i gloddio’r glo a’r tywodfaen o’r dyffryn. Er bod y pyllau glo wedi hen fynd, mae’r chwareli tywodfaen bach yn dal i fodoli sy’n cynnig cynefinoedd bywyd gwyllt rhagorol sydd wedi’u cuddio ymhlith y coed.

Mae Clwb Pysgota Dyffryn Moss yn defnyddio'r llyn ger y prif faes parcio. Gallwch gael manylion aelodaeth a phrynu tocynnau dydd yn Deggy's Fishing Tackle, 2 Ffordd Rhiwabon, Wrecsam.

Gall marchogion / beicwyr ddefnyddio'r llwybr ar hyd yr hen reilffordd.

Ffotograffiaeth gan Danni Hughes.