Parc Gwledig Bonc Yr Hafod

Mae Parc Gwledig Bonc yr Hafod yn gorchuddio bron i 90 erw o goetir a glaswelltir. Saif y parc ar safle Glofa'r Hafod ac mae ganddo fryn mawr, a adwaenir yn lleol fel 'mynydd picnic'.

Ynghyd â Pharc Stryt Las, mae'r parc yn rhan o Ardal Cadwraeth Arbennig Tre Ioan. Mae'r statws amddiffynnol cryf hwn oherwydd y boblogaeth o fadfallod dŵr cribog sy'n byw yn y parc ac o'i gwmpas. Mae’r fadfall ddŵr gribog yn brin ar draws eu cartref yng Ngogledd Ewrop, ond mae’r ardaloedd isel o amgylch Wrecsam yn gadarnle i’r amffibiaid hyn.

Mae’r Hafod yn barc sy’n gyforiog o fathau eraill o fywyd gwyllt hefyd, gan gynnwys: gwas y neidr, nadroedd y gwair ac adar fel bwncathod, cudyllod coch ac ehedydd. Yn yr haf mae'r parc yn llawn blodau gwyllt, gan gynnwys y tegeirian brych a physen y ceirw, tra yn yr hydref mae'r coetir yn llawn ffyngau.